Një 19-vjeçar ka rënë në prangat e Polcisë sot në qytetin e Shkodrës, si dhe janë proceduar penalisht 2 të mitur, pasi u kapën duke qarkulluar me makinë me kallashnikov me vete.
Policia bën me dije se është arrestuar Sinan Gjorretaj, pasi arma, tip kallashnikov e gjetur poshtë sediljes ku ishte ulur ky i fundit pas verifikimeve rezultoi se i përkiste atij.
Ndërkohë janë proceduar dhe F. M., 17 vjeç, për veprat penale “Drejtim mjeti në mënyrë të parregullt” dhe “Moskallëzim krimi”, si dhe vëllezërit G. K., 19 vjeç e G. K., 15 vjeç, pasagjerë në mjet, për veprën penale “Moskallëzim krimi”.
