110 milionë euro. Napoli vendos çmimin për Victor Osimhen, jo më pak se 100 milionë. Corriere dello Sport bën një bilanc të takimit të gjatë që u zhvillua të mërkurën mes De Laurentiis, Giuntolit dhe Roberto Calenda, agjent i qendërsulmuesit nigerian.
Milani është një nga skuadrat e interesuara, por çmimi është shumë i lart. Në Premier League ndërkohë Arsenali, Neecastle dhe Manchester United mund të afrohen më shumë me sulmuesin, pasi kanë më shumë para për të investuar në merkato. Djajtë e Kuq qëndrojnë të favorizuar pas afrimit te Erik ten Hag, i cili do të kërkojë një sulmues që e njeh mirë zonën e rreptësisë.
Nëse një lëvizje e tillë do të kompletohej, atëherë Napoli do të hidhet në sulm për Armando Brojën. Sulmuesi shqiptar i huazuar nga Chelsea te Southampton mund të ishte një zgjedhje ideale, duke parë performancën që ka dhënë këtë sezon në Premier League. /R.Lika-Koha Jonë/
