Në Samitin Brdo-Brijun me pjesëmarrjen e presidentëve të rajonit po mbahet në Shkup, nga Kosova po merr pjesë presidentja Vjosa Osmani, dhe nga Serbia, Aleksandar Vuçiç. Ata janë ulur përballë njëri-tjetrin në një tryezë.
“Falenderoj Presidentët Pendarovski, Musar dhe Milanoviq për mirëseardhjen e tyre në fillim të takimit të liderëve të proçesit Bërdo-Brione. Kosova ka rol aktiv në formësimin e së ardhmes së rajonit dhe kontribut përmbajtësor për rrugën e përbashkët euro-atlantike”, shkruan Osmani në Facebook.
Presidentja Osmani pritet të ketë edhe takime me presidentët e Shqipërisë, Maqedonisë së Veriut dhe Malit të Zi.
