Ushtria e Norvegjisë do të forcojë sigurinë e vendit nga 1 nëntori, në përgjigje të luftës në Ukrainë, Kështu tha të hënën kryeministri norvegjez, Jonas Gahr Stoere. “Kjo është situata më serioze e sigurisë në disa dekada”, tha Stoere në një konferencë shtypi.
“Nuk ka indikacione se Rusia po zgjeron luftën e saj në vende të tjera, por edhe rritja e tensioneve na bën më të ekspozuar ndaj kërcënimeve, operacioneve të inteligjencës dhe fushatave të ndikimit”, tha kryeministri.
BE-ja dhe Norvegjia arritën në qershorin e kaluar, një marrëveshje për të bashkëpunuar në rritjen e gazit që arrin në Europë. Norvegjezët presin që shitjet e gazit në Europë të rriten me 8%. Norvegjia, në këtë kuptim, është kthyer në një nga enklavat më të rëndësishme të situatës së re gjeopolitike që rrjedh nga pushtimi i Ukrainës nga Rusia.
