Për derbin me Interin të shtunën dhe për ndeshjen e nesërme në Reggio Emilia kundër Sassuolos, Stefano Pioli synon të menaxhojë energjitë e skuadrës së tij. Ndryshime në mbrojtje dhe mesfushë, ku pas mungesave të Origit dhe Rebic do të detyrojnë Giroud dhe Leaon të jenë në fushë.
Për sulmuesin belg ka një inflamacion të lehtë ndaj u preferua të mos rrezikohej ndërkohë që kroati ka një problem me shpinën. Për francezin dhe portugezin do të jetë një mundësi e re për të përsëritur performancën e pak më shumë se tre muajve më parë, kur ata ishin protagonistë në ”Mapei Stadium” ku fituan titullin kampion.
Do të ketë pushim për Messias, i cili duhet t’i hapë rrugën Saelemakers dhe për De Keteleare, i cili pas debutimit të shkëlqyer do t’i lërë vendin Brahim Diaz.
