Milani nuk shkoi përtej një barazimi 1-1 ndaj Cremoneses mbrëmjen e djeshme. Junior Messias ishte ai që shpëtoi kuqezinjtë nga humbja duke realizuar në minutat e fundit. Trajneri Stefano Pioli ka kritikuar lojtarët, që sipas tij duhet të ndryshojnë marsh.
“Jemi të zhgënjyer në mënyrën më absolute, ne nuk e donim këtë rezultat. Ndeshjet tani janë të pakta dhe nëse nuk e ndërrojmë marshin do të jetë e vështirë për të hyrë në zonën Champions. Në pjesën e parë e praktikuam atë që kishim përgatitur dhe ishim të rrezikshëm.
Duhet ta transformojmë këtë zhgënjim në vendosmëri për ndeshjet e ardhshme. Ne nuk luajtëm vetëm kundër Cremoneses, por kundër Juventusit, Interit, Romës dhe Atalantës.
Tani duhet të mendojmë për Lazion, pastaj për ndeshjet e Champions League. Është mirë që jemi akoma në atë kompeticion, ne duam të ecim përpara. E dimë se do të takojmë një ekip të madh në gjysmëfinale dhe do të provojmë të arrijmë në finale”, u shpreh Pioli.
