Erisa Xhixho: Monika Kryemadhi rikonfirmon mandatin

Nënkryetarja e LSI, Erisa Xhixho ka shpjeguar për mediat se si do bëhet zgjedhja e delegatëve,etj.
Ajo tha se “Nesër është një moment i rëndësishëm për LSI pasi zgjidhen strukturat drejtuese për 4 vitet e ardhshme. Kemi prej muajsh që organizojmë zgjedhje në organizata, hapim dyert për çdo qytetar që do të angazhohet dhe të jetë pjesë e strukturave të LSI. Është mundësi pasi të rinjtë e pajisur me teserën e LSI, jo vetëm do votojnë por edhe të zgjidhen në strukturat bazë.
Nesër votohet për kryetaren e LSI Monika Kryemadhi, më saktë një rikonfirmim mandati, si dhe për delegatët që do jenë pjesë në konventën e 5 dhjetorit.
Për shkak të pandemisë, i kemi të dyja opsionet, edhe votimin manual pasi janë 51 qëndra votimi në gjithë Shqipërinë të hapura nga ora 9 deri në orën 16.
Kemi edhe votimin online, një risi për politiken shqiptare. E kemi aplikuar për herë të parë në 2012, ku komiteti drejtues, kryesia është votuar online, një projekt pilot për të testuar në një moment, por tani është e shtrirë për gjithë antarësinë, me aplikacionin JoinLSI, ku çdo anëtar duhet ta shkarkojë. Dhe të votojë, përfundojë Xhixho.