Festat e Nëntorit, Presidenti Ilir Meta udhëton drejt Prishtinës

Pas vizitës në Gjermani, Presidenti Ilir Meta ka uruar “Mirëmëngjes nga Prishtina”. Sikurse duket dhe në këtë foto, Presidenti Meta ka postuar në faqen e tij zyrtare në rrjetin social “Facebook” foto së bashku me familjen e Herolindit, ku njofton që është nisur për në Prishtinë.

“Mirëmëngjes miq! Kënaqësi të udhëtoj drejt Prishtinës me familjen e Herolindit”- shkruan kreu i Shtetit në urimin për ndjekësit e tij.

Por nga burimet tona mësohet se Presidenti i Republikës sot do të zhvillojë një vizitë në Medvegj, ku do të takohet me bashkombasit tanë që jetojnë në këto treva, në kuadër të festave të Nëntorit.