Ish-ministri Kastriot Islami: Më izoluan forcërisht, ishte Rama që dha urdhërin

Ish-ministri socialist dhe profesori i njohur, Kastriot Islami ka reaguar pas daljes nga komisariati i policisë. Në një status në Facebook, Islami thotë se u izolua forcërisht nga policia.

Ai sqaron se u prezantua me emër dhe mbiemër, por përsëri policia përdori forcën. “Jam në shtëpi…! Si çdo ditë, po bëja ecjen e përditshme me veshje sportive nga parku i Tiranës në drejtim të shtëpisë… Gjykoj se ishte Edi Rama që më ndaloi dhe forcërisht më izoloi ne komisariat për rreth 1 ore e 30 minuta… Sepse ju prezantova që jam Kastriot Islami dhe përsëri përdorën forcën ndaj një profesori dhe një figure publike… ! Më shumë ndoshta do të sqaroj në vijim… Falenderoj të gjithë ata miq që më mbeshtetën me telefonata dhe mesazhe”, shkruan Islami.