Jep dorëheqjen ministrja britanike se nuk tregoi për një takim…

Sekretarja britanike e Shtetit për Zhvillimin Ndërkombëtar, Priti Patel dha sot në mbrëmje dorëheqjen nga posti i saj.

Dorëheqja e Patel vjen pasi u zbulua se ajo është takuar me personalitete të politikës izraelite pa informuar qeverinë e saj. Patel është zyrtari i dytë që largohet nga kabineti brenda një jave.

Ajo kërkoi ndjesë publike të hënën për zhvillimin e takimeve me një sërë zyrtarësh izraelitë, përfshirë kryeministrin Benjamin Netanyahu, gjatë pushimeve në Izrael, përcjell Atsh. Por mediat raportuan edhe për dy takime të tjera, në Britaninë e Madhe dhe në SHBA.

Ndërsa në Shqipëri takohen dhe hanë dreka me banda kriminale e nuk iu shkon të japin dorëheqjen dhe as nuk hetohet nga drejtësia.