Në vend të një bashkimi, partitë e vogla sot janë përçarë dhe gati sa nuk u rrahën me grushte. Adriatik Lapaj nga ”Shqipëria Bëhet” dhe përfaqësues të partisë ”Lëvizja Bashkë” e Arlind Qorit janë përplasur ashpër në një protestë të organizuar para Ministrisë së Brendshme. Në fakt protesta ishte organizim i Qorit.
Ishte Arlind Qori që kishte paralajmëruar protestë. Situata degradoi deri aty sa Lapajn e dëbuan nga podiumi.
Kjo sipas Lëvizjes Bashkë, Lapaj nuk ishte regjistruar për të mbajtur një fjalim dhe po u vidhte protestën dhe zaptonte podiumin. Por Pano Soko te “Te PaEkspozuarit” theksoi se edhe ne kishim marrë leje për protestë, ndaj ju e ndaluat të flsite, iu drejtua Arlind Qorrit në studio.
Ndërsa Qori insistoi se Adriatik Lapaj erdhi si i paguar nga oligarku më i madh i Shqipërisë. Me tej deputeti Agron Shehaj shtoi se Zamir Mane kontrollon kryeministrin Rama.
Arind Qori tha te “Te Paekspozuarit” se ngjarja u tentua të manipulohet nga qeveria dhe nga mediat e kapura.
“Lëvizja Bashkë ka thirrur protestë për të kërkuar të vërtetën dhe transparencë për rastin e hedhjes së policit dhe qytetarit Azbi Spahiu. Unë kam qenë figura e parë politike që kam reaguar dhe kam kërkuar transparence. Qeveria dhe media e kapur u përpoq të manipulojë ngjarjen ose të heshtë ngjarjen. Sot jemi mbledhur në protestë, kemi kërkuar barazi para ligjit, kemi kërkuar drejtësi, transparencë, llogari pse lajmi për protestën nuk është dhënë.
Që në fillim të protestës vjen një djalë trupmadh dhe bërtiste kush janë këta që organizojnë protesën, duke na sharë etj. I themi policisë ju lutem shoqërojeni, sepse po provokon. Më në fund policët e shtyjnë jashtë. Vijon protesta me thirrje dhe fjalime. Kishim rend të fjalimeve, unë e kisha rradhën i katërti. Gjatë fjalimit tim ishte afruar zoti Lapaj me disa mbështetës të tij. Kemi thënë çdo qytetar të shënojë emrin në listë dhe të flasë sa të dojë. Vjen zoti Lapaj dhe donte mikrofonin me dhunë. Redi Muçi i thotë ka rregullaa dhe rradhë, fol me rradhë, sepse do të flasë Qani Shino minator dhe pensionist. Nuk shkulej zotëria, bërtiste, provokim i padëgjuar. Edhe Flamur Noka duket xhentëllmen para kësaj. Të shkosh në protesën e një partie dhe të tentosh të marrësh fjalën me dhunë, nuk ka ndodhur 34 vite pluralizëm, që përfaqësues i një partie të vijë në tubimin e një partie tjetër dhe të marrë mikrofonin me dhunë.
Dyshoj se Samir Mane siç paguan Edi Ramën dhe Berishën, mund ta ketë paguar edhe zotërinë”, tha Qori.