Manjani: Rama si ”pronar” i Dibrës, foli për gratë dhe ”harroi” varfërinë

Pas mbledhjes së qeverisë në Dibër, ka reaguar edhe ish-ministri i Drejtësisë, Ylli Manjani. Në një postim në Twitter, Manjani shkruan se pasi Kryeministri e mbushi me hashash, sot Dibrën e mbushi me ”broçkulla prej fodulli”.

Duke komentuar premtimet e qeverisë që nga rruga e Arbërit, ish-ministri me ironi shton se Rama foli për puset dhe gratë por ”harroi” të fliste për varfërinë që ka mbërthyer këtë qark.

”E mbushi Dibrën (për herë të parë) me hashash tani e mbush me broçkulla prej fodulli! Flet si pronar i Dibrës e Matit. Flet për rrugët në letër, për gratë dhe e puset, por jo për varfërinë e tejskajshme! Turpi e faqja e zezë e këtij njeriu s’ka sahat që i mat!”,-shkruan Manjani.

E mbushi Dibrën (për herë të parë) me hashash tani e mbush me broçkulla prej fodulli! Flet si pronar i Dibrës e Matit. Flet për rrugët në letër, për gratë dhe e puset, por jo për varfërinë e tejskajshme! Turpi e faqja e zezë e këtij njeriu ska sahat që i mat!

— Ylli Manjani (@yllimanjani) November 11, 2017