Nishani: Ja pse nuk e deklasifikova unë mbledhjen e Këshillit të Sigurisë

Ish-presidenti i Republikës Bujar Nishani, i ftuar në ‘Fakt’ të gazetarit Çim Peka, ka folur lidhur me situatën në të cilën ndodhet Shqipëria.

I pyetur nga Peka, se pse nuk e deklasifikoi Nishani mbledhjen e Këshillit të Sigurisë gjatë kohës që mbante postin e Presidentit të Republikës, ish-kreu i shtetit tha se në atë kohë nuk ishte ky interes kaq i madh nga publiku.

‘Sot është krijuar një stituat tjetër. Lufta kundër krimit të organizuar nuk i përket vetë institucioneve por dhe opinionit publik. Krimi sot ka hyrë në politikë, në shtet, në ekonomi si dhe tek familjet shqiptare’, deklaroi Nishani.