Presidenti Meta takon shqiptaren e parë që u ngjit në Everest

Presidenti, Ilir Meta është takuar me alpinisten shqiptare Uta Ibrahimi. Ibrahimi është e para grua shqiptare që është ngjitur në majën më të lartë në Botë .

“Sot me Uta Ibrahimin, shqiptaren e parë që u ngjit në Everest, majën më të lartë në botë”,- shkruan Presidenti, Ilir Meta.

Më 23 maj, shqiptarja nga Kosova Uta Ibahimi ka vendosur flamurin shqiptar dhe të Kosovës në majën më të lartë të botës, në Everest. Uta arriti në majën më të lartë të Himalajave, të quajtur si çatia e Botës.

Kështu, shqiptarja nga Kosova ka thyer një rekord të ri, duke bërë të mundur finalizimin e ekspeditës së saj prej 50 ditesh në Himalaje, madje duke mposhtur edhe motin e acartë që i mori jetën 4 alpinistëve nga Bota.

Everest është maja më e lartë në vargmalet e Himalajës dhe pika më e lartë mbidetare në botë. Ajo është e lartë 8.848 metra. Në mars të këtij viti, Uta Ibrahimi deklaroi në një intervistë se e cila ishte përgatitur për rreth 2 muaj për të përballuar ngjitjen në malin Everest.