Tym i bardhë apo i zi? Shqipëria me Greqinë ”kokë më kokë” mbi harta

Pas më shumë se 14 orë diskutime dhe një darke punë dy delegacionet, ai i Greqisë dhe Shqipërisë drejtuar nga Ministrat e Jashtëm vazhdojë diskutimet për zgjidhjen e problemeve mes dy vendeve.

Sot pritet që të diskutohen çështjet sensitive në Kretë mes ministrave Kotzias dhe Bushati. Më shumë se 300 faqe material nga arkivi i Ministrisë së Punëve të Jashtme dhe i arkivit të shtetit pjesë e dosjes së shqiptarëve, mes dokumenteve historike dhe hartave të të gjitha natyrave dhe shkallëve dhe një ekspertizë shteruese në tavolinë, duket se pala shqiptare e ka marrë më shumë se seriozisht takimin e Kretës.

Gazetari i Top Channel raporton se në tryezën e bisedimeve janë hedhur të gjitha temat dhe ditët në vazhdim priten rezultatet konkrete. Mes dy ministrave pritet të diskutohen edhe temat e tjera të mbetura, siç është ligji i luftës dhe zonat e minoritetit.