Vasili: Qeverisje horrash ordinerë, në bashki dhe qeveri!

Nënkryetari i LSI-së, Petrit Vasili e cilëson si një sjellje horrash aktin e sotëm të Bashkisë së Tiranës dhe Policisë së Shtetit për bastisjen e zyrave të partisë Fryma e Re Demokratike. Në një reagim në Facebook, Vasili ka publikuar foto të urdhrit të bashkisë së zbrazjen e godinës së FRD.

Dokumenti i Bashkisë së Tiranës, mbi të cilin u nis aksioni i policisë, nuk ka vulë, firmë dhe as numër protokolli.

“Qeverisja talebane e rilindjes. Shkresa për rrëmbimin e zyrave të FRD pa firme dhe pa emër! Turp! Qeverisje horrash ordinere ne Bashki dhe qeveri!”,- shkruan Vasili.