Presidenti i Republikës, Ilir Meta, ka dalë sot në konferencë për mediat dhe ka njoftuar se “sot kam firmosur kallëzimin penal si President kundër strukturave të funksionarëve përgjegjës në Kuvendin e Shqipërisë për veprat penale të kryera në bashkëpunim, falsifikim dokumentesh”.
Kallëzimi penal do depozitohet në Prokurori dhe në SPAK, informoi Presidenti Meta.
“Sapo ky kallëzim të depozitohet në Prokurorinë e Posaçme dhe në Prokurorinë e rrethit gjyqësor Tiranë menjëherë do ta publikojmë të plotë në faqen zyrtarë të institucionit të Presidentit të Republikës”, tha kreu i shtetit.
Bëhet fjalë për dokumentet e sjella nga përfaqësuesit e maxhorancës në Kuvend në Gjykatën Kushtetuese, që sipas përfaqësuesve ligjorë të Presidentit janë falsifikuar.
