Kreu i LZHK-së, deputeti Dashamir Shehi e përjashton veten nga protesta e thirrur nga Sali Berisha më 11 shkurt, kjo për shkak të ndasive që ka si me kreun e PD-së dhe atë të Partisë së Lirisë. Ai thekson se populli duhet të reagojë ndaj çdo të keqeje në këtë vend.
Deputeti Shehi tha: “Unë nëpër tribunë nuk hypi. Nuk ndajmë të njëjtat ide me ta, por gjykoj që çdo njeri e grup politik e shoqëria civile e biznesi duhet të reagojë ndaj kësaj situate. Si qytetar i jam bashkuar të gjitha protestave, si njeri politik nuk ndaj të njëjta ide as me Berishën e as me Metën.
Ata kanë krijuar një shteg politik. Unë gjykoj që kemi nevojë për adresa të reja politike, nuk riciklojmë vetveten pafundësisht. Këtu kanë ndodh gjëra në çdo kohë edhe në kohën e Metës e Berishës, duhet të largojmë Ramën kjo na bashkon, por nuk duhet të vazhdojmë qorrazi besnik të partisë”.
