Mbetet i hapur kampionati në La Liga. Real Madrid nuk ka mundur të shkojë më shumë se një barazim pa gola në duelin e javës së 24-t ndaj Villarealit.
Skuadra e Ancelotti vijon të vuajë mungesën e Karim Benzema, i cili ende nuk është rikuperuar nga një dëmtim dhe rrezikon dhe duelin e Championsit ndaj PSG.
Rastet nuk munguan për madrielenët që do të ndaleshin në disa raste nga portieri Rulli. Në fundin e ndeshjes Jovic u gjend përballë portierit, por goditja e tij do të ndalej në traversën e portës. Reali mbetet në krye me 54 pikë, 4 më shumë se Sevilla. /R.Lika-Koha Jonë/
