Fjalimi i kryeministrit Edi Rama në Asamblenë e Përgjithshme të Këshillit të Europës, ka shkaktuar zhurmë në Ballkan. Gazetari Armand Shkullaku, tha në emisionin ”Çim Peka Live”, se Ramës i ka rënë popullariteti, ndërsa shtoi se tentativat e tij për të qenë lider rajonal kanë dështuar.
”E shoh më tepër si një gjë të zhvendosur në kohë. Siç e ka quajtur dhe Rama vetë, rrufe në qiell të pastër që ka filluar të aktivizohet kjo retorikë e Ramës pas vajtjes në Hagë të Thaçit. Raporti i Dick Martyt s’është ai siç thotë Rama që ka detyruar asamblenë e KiE për të miratuar një raport. Nuk është kjo. Ata miratuan një rezolutë.
Kemi rënie të frikshme të popullaritetit të Ramës. Pse ndryshoi? Dy tentativat e tij të dështuara për të qenë lider rajonal dhe e dyta ”Ballkani i Hapur” që i ka ngelur sharra në gozhdë. Edhe fitorja e Albin Kurtit në Kosovë.
Fitorja e tij Ramës i mbylli një portë shumë të rëndësishme. Ardhja e Kurtit, përmbysja e konjukturave ndërkombëtare e bëri Kurtin aktor të dorës së parë. Negocion vetë se s’ka presion nga asnjë faktor”.
