Rita Ora flet për përvojën e saj me Harvey Weinsteinin

Rita Ora është veshur në mënyrë të pazakontë në pritjen e Halloween në Pitsburg. Ajo dukej me plot stil ndersa performoi gjatë mbrëmjes së premte. Kjo është performanca e saj e pare, pasi këngëtarja 26-vjeçarja foli për producentin Harvey Weinstein, me të cilin ka punuar në “Southpaw”, në vitin 2015. Rita Ora ka folur për eksperiencën e saj me Weinstein, të cilin e kanë akuzuar më shumë se 30 femra për sulme seksuale, dhunime dhe keqtrajtim seksual. Ajo ka thënë në show-n e Jonathan Ross se, “Weinstein asnjëherë nuk është sjellë në mënyrë të pahijshme gjatë viteve që kishin punuar së bashku”. Ndërkohë më shumë se 30 aktore, përfshirë Angelina Jolie, Ashley Judd dhe Gwyneth Paltrow kanë thënë për New York Times dhe revistën The New Yorker, se Weinstein i ka sulmuar seksualisht.