15 vjet nga triumfi historik i Shqipërisë ndaj Greqisë, ripërjetoni emocionet (VIDEO)

4 shtatori është një datë shumë domethënëse në historinë e futbollit shqiptar. 15 vjet më parë, Shqipëria triumfoi 2-1 përballë Greqisë në “Qemal Stafa”.

Ishte 4 shtatori 2004: Edvin Murati kaloi në avantazh kuqezinjtë, ndërsa Adrian Aliaj me një goditje të pabesueshme nga distanca hipotekoi suksesin.

Greqia paraqitej në Shqipëri si kampione e Europës, pas titullit kontinental të fituar në Portugali në korrik të 2004-s.  Pas ndeshjes, rrugët e Tiranës praktikisht u dogjën nga turma entuziaste kuqezi, me festën e një triumfi të paharrueshëm.

Më poshtë mund të shihni edhe disa pamje të dokumentarit të “Digitalb” për këtë ndeshje të shënuar.