35 milionë euro për dy sezone, por Immobile i thotë “jo” ofertës nga Arabia

Klubet nga Arabia Saudite vijojnë të joshin futbollistë të njohur me oferta të frikshme. Rasti i fundit është ai i Ciro Immobiles, por që ka hasur në rezistëncën e tij.

Sulmuesi i Lacios refuzoi kontratën 2-vjeçare, nga e cila do të përfitonte 35 milionë euro, nga një prej klubeve më të mëdha të Lindjes së Mesme.

Kapiteni i bardhekaltërve e konfirmoi ofertën, por nuk ka ndërmend të largohet nga kryeqyteti italian. As në zyrat e Lacios nuk u dorëzua një ofertë formale për kartonin e sulmuesit.