Alegri fiton sërish “Pankinën e Artë”: Jam në një klub prestigjioz!

Masimiliano Alegri fiton për herë të tretë në karrierë trofeun “Pankina e Artë”. Trajneri i Juventusit ka fituar këtë edicion që lauron trajnerin më të mirë të sezonit të fundit.

Vendin e dytë e mban trajneri i Atalantës, Gasperini, i ndjekur nga Mauricio Sarri. Pas marrjes së çmimit Alegri është shprehur.

“Unë së pari do të doja të falënderoja lojtarët e mi të jashtëzakonshëm, ata janë duke i dhënë kënaqësi të madhe klubit. Çmimi i dedikohet stafit, që më lejon mua të jem këtu, por sigurisht falënderoj dhe drejtuesit, pasi jam në krye të një ekipi prestigjioz. I uroj fat të gjithë trajnerëve, Sarrit pak më pak”, ka thënë Alegri. /Koha Jonë/