Ançeloti takim tjetër me presidentin De Laurentis, pritet firma

Karlo Ançeloti është trajneri më i ri i Napolit. Dje ka pasur një takim kokë më kokë me presidentin Aurelio De Laurentis në Romë, e cila ka zgjatu 3 orë.

Numri një i të kaltërve i ka paraqitur një projekt ish-trajnerit të Bajernit, teksa sipas mediave italiane është arritur akordi për 6.5 milionë euro.

Trajneri emilian, që u shkarkua vjeshtën e kaluar nga drejtimi i bavarezve, të martën në mbrëmje ka arritur në Romë, në selinë e “Filmauro”.

Sarri, sipas të gjitha gjasave, do të vazhdojë aventurën e tij jashtë vendit. Rusët e Zenit dëshirojnë ta kenë atë si zëvendësues për Mançinin, por ish-trajneri i Empolit është duke pritur edhe një telefonatë nga Çelsi. /Koha Jonë/