Ancelotti gjen skuadrën e re, bën “lëmsh” merkaton e trajnerëve

E ardhmja e Carlo Ancelotti-t do të vendoset këtë javë.

Sipas asaj që shkruajnë mediat spanjolle, “Don Carlo” ka arritur marrëveshjen me Napolit dhe në ditët e ardhshme pritet të bëj dhe zyrtarizimin.

Një lajm që tremb jo pak teknikun italian të napoletanëve, Maurizio Sarri që e shikon veten gjithnjë e më larg “San Paolo”.

Duke iu referuar po këtyre mediave, Sarri do të ulet në stolin e londinezë të Chelsea, me Antonio Conte që është shumë pranë Arsenalit.

Një rokadë që pritet të “turbullojë” shumë ujërat e merkatos në skuadrën e Napolit, që e mbylli sezonin pas krahëve të Juventusit.