Anglia zbret nga “froni” Kosovën, Kane shkëlqen me tripletë (VIDEO)

Anglia vijon rrugëtimin perfekt në Grupin A, duke fituar me “poker” 4-0 ndaj Bullgarisë., dhe duke mbajtur vendin e parë me një pikë më shumë se Kosova. Në minutën e 24-të, një gabim i portierit të bullgarëve, Iliev, i dha mundësinë Sterling që të rrëmbejë topin dhe më pas të shërbejë për Kane, i cili e ka të thjeshtë për ta shtyrë topin në rrjetë.

“Tre Luanët” u mjaftuan me këtë gol në fraksionin e parë, ndërkohë që në fillimin e së dytës, Harry Kane dyfishoi rezultatin nga pika e bardhë. Më pas në minutën e 55-të, Sterling do të arrinte që të shënonte golin e tretë. Anglia gjithsesi nuk u mjaftua me kaq, pasi Kane do të shënonte golin e tretë personal në minutën e 73-të duke marrë topin në shtëpi pas ndeshjes.

Ndeshja e radhës për Anglinë, do të jetë ajo e së martës ndaj Kosovës në “St Mary’s Stadium” të Southampton.