Atalanta bën tjetër hap fals, ndalet ndaj Udineses

Atalanta nuk mundi të shkojë më shumë se një barazim pa gola ndaj Udineses. Bergamaskët e luajnë shumicën e lojës në gjysmëfushën kundërshtare, ndërkohë që bardhezinjtë tentonin me kundërsulme.

Skuadra e Gasperinit i shkojnë pranë golit në dy raste me Mario Pasalic që në shansin më të mirë ndalet nga mbrojtja kundërshtare pas një penalltie në lëvizje.

Në fund sfida mbyllet në barazim pa gola me Atalantën që bën një tjetër hap fals në luftën për një vend në zonën Champions. Bergamaskët tashmë ndodhen në vendin e 6-të në kuotën e 42 pikëve. Udinese nga ana tjetër ngjitet në vendin e 9-të me 32 pikë të grumbulluara.