Barcelona nis tratativat me PSG, Neymar drejt rikthimit në Spanjë

Neymar është pranë rikthimit te Barcelona. Tratativat me PSG kanë hyrë në një fazë vendimtare, teksa drejtuesit katalanas kanë udhëtuar në Paris për të mbyllur marrëveshjen.

Oferta e radhës pritet të jetë 170 milionë për të risjellë sulmuesin brazilian. Takimi është programuar për në orët në vazhdim, ndërkohë që i pranishëm do të jetë edhe presidenti i PSG, Nasser Al-Khelaifi dhe drejtori sportiv, Leonardo.

Nga Spanja vijnë sinjale pozitive për mbylljen e marrëveshjes dhe për mbylljen e marrëveshjes, pas dy sezoneve të komplikuara në Paris, atje ku u bë blerja më e shtrenjtë në histori (222 milionë euro). Kërkesa e parizienëve vazhdon të vërtitet në këtë shumë, ndërkohë që blaugranët fillimisht kërkonin huazimin e brazilianit dhe më pas të drejtën për ta blerë për 160 milionë euro, një ofertë që është hedhur menjëherë poshtë. /R.Lika-Koha Jone/