Barcelona transferon Rafinhan në formë huazimi te Celta Vigo

Rafinha Alcantara këtë sezon do të bëhet pjesë e Celta Vigos. Mesfushori brazilian i cili para 2 sezonesh spikati në Itali me Interin, ka rinovuar fillimisht kontratën e tij me Barcelonën deri në 30 qershor të vitii 2021 dhe më pas është transferuar në formë huazimi te skuadra galiciane për një sezon.

Celta Vigo ka vendosur t’i paguajë të gjithë pagën futbollistin dhe në të njëjtën kohë ka derdhur në arkat e klubit blaugrana 1,5 milionë euro për huazimin 1-vjeçar, ndërkohë që Celta do të ketë edhe të drejtën e blerjes në fund të sezonit.

26-vjeçari kërkon të ringrihet pikërisht nga Celta Vigo skuadra ku ka hedhur hapat e parë karrierë dhe ku ka luajtur edhe në sezonin 2013-2014 duke lënë shenjë.