Bare: Pavarësisht humbjes, Shqipëria do të rikthehet aty ku e ka vendin

Një ndër më të mirët në fushë ndaj Turqisë, Keidi Bare beson se humbja e sotme do të jetë një pikënisje pozitive për të ardhmen.

“Besoj se ishte një mospërqendrim aty në mbrojtje, u nisen shpejt nga anësorja e nuk ishim të përqendruar. Janë gabime që bëhen në futboll dhe besoj se këtë gabim nuk duhej ta kishim merituar, por jam i kënaqur me ekipin, me lojën që bëmë.

Pavarësisht rezultatit, kjo Shqipëri do të jetë shumë lart, do të kthehet aty ku e ka vendin. Natyrisht pashë nota pozitive, dolëm shumë herë para porte, patëm raste shumë të pastra e nuk i shënuam, në fund të fundit po nuk shënove do pësosh. Na mungoi goli, përqendrimi te goli”, tha Bare.