Bare: Shumë njerëz nuk besonin, do të arrijmë në maja

Keidi Bare zhvilloi një tjetër ndeshje shumë të mirë me kombëtaren tonë mbrëmjen e sotme. Mesfushori që luan te Malaga është shprehur se Shqipëria do të arrijë shumë lart.

“Bëmë një lojë të mirë, e kemi thënë në stërvitje të luajmë pa frikë. Besoj se do rikthehemi, si në kohët më të mirë në Europian. Franca është kampion bote, dhe është e vështirë ndaj tyre. Jam i kënaqur që morëm një rezultat pozitiv.

Kombinimi me Memushajn? Kam folur me të, dhe më ka ndihmuar shumë, edhe jashtë fushe. Ndihem mirë, sepse është profesionist brenda e jashtë fushe.

Besoj se do rikthehemi në maja, me këtë ekip që kemi, do arrijmë shumë lart. Pavarësisht se shumë njerëz nuk besonin në këtë kombëtare, por dua të them se jeni 100% të japim maksimumin”, deklaroi Bare.