Bayernit nuk fiton dot ndaj Union Berlinit dhe humbet kreun (VIDEO)

Union Berlini ka rezultuar një kundërshtar më i vështirë se parashikimet për Bayernin. Skuadra e Nagelsmann nuk shkoi më shumë se një barazim 1-1 në transfertë.

Vendasit madje do të ishin të parët që do të kalonin në avantazh që në minutën e 12-të me Becker, i cili shfrytëzoi një asist nga Trimmel. Festa gjithsesi do të zgjaste vetëm 3 minuta pasi Kimmich do të realizonte një super gol me një goditje nga një pozicion i prirët.

Me gjithë zëvendësimet e bëra në pjesën e dytë, Bayerni nuk arriti që të shënonte një tjetër gol. Tashmë bavarezët ngjiten në kuotnë e 11 pikëve, 1 më pak se Freiburg dhe Dortmundi. /R.Lika-Koha Jonë/