Berisha: 3 vite të bukura me Atalantën, me SPAL do bëj mirë

Etrit Berisha ka nisur një aventurë të re të SPAL gjatë kësaj vere. Protieri i kombëtares sonë së fundmi ka dhënë një intervistë për “Sky Sport” duke folur për synimet e tij në karrierë.

“Ne futbollistët jemi mësuar që të ndryshojmë ekie, tani jam në ditët e para, por po punoj mirë. Kam kaluar tre vite shumë të bukura tek Atalanta, kemi arritur gjëra të mëdha të cilat nuk do t’i harroj kurrë. Tani dua të jap kontributin tim te SPAL-i. Kemi shumë dëshirë për të punuar dhe jemi besimplotë se mund të bëjmë një kampionat të mirë.

Semplici ndryshe nga Gasperini? Kanë ndryshuar rregullat e ndoshta këtë sezon portierët do të jenë më shumë protagonistë në lojën me këmbë. Misteri na kërkon që ta nisim lojën që nga thellësia e prapavijës, pra duhet ta ndërtojmë lojën që nga mbrojtja. Po punojmë shumë në këtë aspekt”, deklaroi Etrit Berisha.