“Bomba” nga Anglia, Chelsea arrin akordin me Gonzalo Higuain

Afrimi i Cristiano Ronaldos te Juventusi, shoqërohet me një lëvizje të bujshme në dalje. Sipas “Sportmediaset”, klubi bardhezi ka arritur marrëveshjen me Chelsea-n për transferimin e argjentinasit në Londër për 60 milionë euro. Zyrtarizimi i sulmuesit në “Stramford Bridge” pritet të ndodhë sapo të marrë detyrën Maurizo Sarri.

Higuain nuk do të jetë i vetmi që do të marrë rrugën drejt kryeqytetit të Anglisë. Sarri ka kërkuar nga kampionët në fuqi të Italisë edhe Ruganin, me të cilin ka punuar kur të dy ishin pjesë e Empolit.

Chelsea do të mbyllë menjëherë marrëveshjen me Juventusin për Higuainin, për të cilin ka pranuar të shpenzojë 60 milionë euro, pavarësisht 30 viteve që ka mbi shpinë sulmuesi argjentinas.