“Bomba” nga Spanja, PSG në bisedime të avancuara me Realin për Neymar

PSG është në bisedime me Real Madridin për Neymar, teksa tratativat kanë nisur. Nga Spanja vijnë fjalët e drejtori sportiv të parizienëve, Leonardo, duke konfirmuar një nga tratativat më të rëndësishme të kësaj vere.

Dëshira e sulmuesit është që të rikthehet te Barcelona, por klubi francez ua ka propozuar rivalëve të blaugranëve, Real Madrid. Neymar nuk është përfshirë për ndeshjen e parë të kampionatit ndaj Nimes. Trajneri Tuchel është shprehur se mungesa e tij vjen për shkak dëmtimi, por mesa duket braziliani mungon për shkak se është zyrtarisht në merkato.

PSG do të kërkojë një çmim më të ulët për Real Madridin. Leonardo sipas gazetës “Marca” ka konfirmuar se tratativat janë në fazë të avancuar: “Bisedimet po ecin, do të shohim se çfarë do të ndodhë. Të gjithë kemi nevojë që e ardhmja e futbollistit të qartësohet”.

Neymar te Real Madrid mund të jetë akti final i një telenovele të gjatë. /R.Lika-Koha Jone/