Busquets i shokuar: Nuk kam fjalë, Liverpooli meritoi gjithçka

Humbja 4-0 e Barcelonës në ndeshjen e kthimit ndaj Liverpoolit ka qenë një tragjedi për futbollistët katalanas. Busquets ka mbetur pa fjalë pas ndeshjes.

“Ata ishin më të mirë se ne që nga fillimi i ndeshjes. Ne kemi vuajtur shumë presionin e tyre dhe shënimi i golit ishte i vështirë. Nuk duhet të ndodhte sërish pas asaj në Romë. Nuk duhet të ndodhte… Bëmë gjithçka keq. Nuk shënuam asnjë gol, patëm raste por nuk finalizuam.

Më vjen keq, kërkojmë falje për këtë paraqitje. Nuk di të them nëse zbritëm në fushë ose jo, pjesën e dytë. Është një eliminim që djeg shumë, por çfarë të bëjmë. Ky ambient shtyu Liverpoolin dhe ata shfrytëzuan të gjitha rastet. Sinqerisht, nuk di se çfarë të them, si ta shpjegoj”, deklaroi mesfushori katalanas.