Bylis jep njoftimin për testimet e futbollistëve për Covid-19

Pas më shumë se dy muajsh sot rifillon Kategoria Superiore. Pas daljes së rastit pozitiv të Qardakut ditën e djeshme janë bërë testimet në gjithë ekipin e Bylisit. Ka qenë klubi mallakastriot, ai që e ka konfirmuar këtë gjë, mëngjesin e sotëm, përmes faqes së vet në Facebook.

Mësohet se analizat e bëra në krejt grupin, futbollistë e staf teknik, pas infektimit të Qardakut, kanë dalë negative: “Analizat e bëra nga skuadra dhe stafi kanë rezultuar negative. Duke pritur që edhe testi i dytë i Qardakut të dalë përgjigje negative, me mendjen te Tirana dhe ndeshjet e radhës”.