Champions League/ Interi kërkon kualifikimin ndaj Portos, City sfidon Leipzig

Magjia e Uefa Champions League rikthehet sonte me dy ndeshje interesante të fazës së 1/8-ve. Interi synon të sigurojë një biletë në çerekfinale, pasi vjen nga fitorja 1-0 në ndeshjen e parë.

Portugezët zhvilluan një lojë të mirë në Milano, por nuk arritën të merrnin rezultatin e dëshiruar. Sonte në “Estadio Do Dragao” gjithçka do të jetë e hapur dhe do të zbulohet se kush ekip do të presë biletën për çerekfinalet e Champions League.

Takimi tjetër është Manchester City-Leipzig. Sfida e parë në Gjermani përfundoi në shifra të ekuilibruara 1-1. Skuadra që do të kualifikohet për në çerekfinale do të vendoset sonte në Angli.