Chelsea bën gati 90 milionë euro për portierin e Milanit

Një nga pikat më të forta të Milanit në sezonin, që sapo u mbyll, ka qenë padyshim portieri Mike Maignan, duke spikatur me performancat e tij. Ai tashmë është kthyer në një objektiv për shumë klube të rëndësishme në Europë.

Chelsea së fundmi ka bërë një hap të rëndësishëm duke u paraqitur në zyrat e Milanit me një ofertë konkrete. 80 milionë paund.

Në total shifra shkon mbi 90 milionë euro, por Milani për momentin nuk dëshiron të humbasë një nga pjesët më të rëndësishme të skuadrës. Sipas asaj që shkruan Evening Standard, kuqezinjtë e kanë refuzuar ofertën e parë që ka ardhur nga Londra.