Chiellini trembet nga Greqia: Ambienti atje është i ndezur!

“Për momentin gjithçka po shkon shumë mirë, por nuk do të jetë e thjeshtë. Kemi dy ndeshje shumë të vështira, duhet të bëjmë hapa përpara”. Kështu është shprehur Giorgio Chiellini, kapiteni i Italisë në prag të ndeshjes eliminatore për “Euro 2020”, ndaj Greqisë.

“Jemi të ndërgjegjshëm për atmosferën e ndezur që krijohet në Greqin, do të jetë një ndeshje e vështirë. Gjithsesi ka shumë rëndësi për kualifikimin dhe duhet të bëjmë një ndeshje të madh. Atje kemi hasur gjithmonë vështirësi, shpresoj që nesër të jemi të përqendruar pasi do të jetë një ndeshje e një niveli të lartë”, u shpreh Chiellini në konferencën për mediat. /Koha Jone/