Dalin në shitje biletat për derbin Tirana-Partizani, ja çmimet

Dalin në shitje biletat për derbin e  kryeqytetit, Tirana-Partizani, që do të zhvillohet ditën e premte, në orën 19:00.

Organizatorët kanë menduar që për këtë supersfidë të aplikojnë çmime të njëjtat se në derbin e parë, pra më të shtrenjta se në takimet e tjera të kampionatit të zhvilluara në “Ai Albania”.

Për tifozët ultra, që vendosen pas porte, në fakt nuk do të ketë rritje të çmimit (500 lekë).

Në të gjithë pjesën ballore një biletë do të kushtojë 1 500 lekë në sektorët më pranë mesit të fushës dhe 1000 lekë më në anësore. Në Tribunën VIP, biletat do të variojnë nga 3000 në 5000 lekë.