Danimarkë-Shqipëri, më 3 korrik nis shitja e biletave, sa gjysma e çmimit në Elbasan

Federata Shqiptare e Futbollit, njofton tifozët kuqezi të interesuar se për ndeshjen Danimarkë – Shqipëri, e cila do të zhvillohet në Stadiumin “Telia Parken”, Copenhagen, më 4 Shtator, ora 20:45, se biletat do të jenë të disponueshme brenda datës 3 Korrik 2015. Bie në sy fakti se çmimi maksimal i biletës për të parë ndeshjen është sa gjysma e çmimit të një bilete që është shitur për takimin e parë të luajtur në “Elbasan Arena”.

Kjo edhe për interesimin e jashtëzakonshëm të tifozëve të kombëtares sonë.

Mënyra e vetme e blerjes së biletave për këtë ndeshje do të jetë blerja pranë FSHF-së në zyrat qendrore ose online në faqen zyrtare www.fshf.org  ne seksionin “Shop” duke filluar nga data 03 Korrik 2015.

FSHF njofton gjithashtu se duke parë kërkesën e madhe të biletave për këtë ndeshje nga të gjitha trevat në Shqipëri dhe jashtë saj, në mënyrë që  të mundësojë pajisjen e të gjithë tifozëve që  duan të shoqërojnë kombëtaren në këtë sfide, njofton se sasia maksimale e biletave për këtë ndeshje është dy bileta për person. Rreth 2.100 bileta mësohet se do të shpërndahen për tifozët shqiptarë.

Kusht i patjetërsueshëm i blerjes është dhënia e informacioneve në vijim për mbajtësin e çdo bilete: emër, mbiemër, datëlindje, vendlindje, vendbanim dhe një kopje e kartës së identitetit.

Lista finale e të gjithë tifozëve shqiptare do t’i komunikohet Federatës dhe autoriteteve të sigurisë Daneze.

Zona 1

         21.00 euro

Zona 2

       27.50 euro

Zona 3

        28.50 euro

Zona 4

        29.50 euro

Zona 5

       34.50 euro

Zona 6

       37.00 euro