Dele Alli: Son s’pushonte duke qarë në dhomat e zhveshjeve

Ditën e sotme në Premier League, gjatë ndeshjes mes Everton dhe Tottenham, Andre Gomes pësoi një dëmtim horror, duke thyer këmbën pas një ndërhyrje të rëndë të Son. Sulmuesi koreano-jugor në fakt shpërtheu në lot kur pa portugezin të shtrirë në tokë, ndërkohë që një nga shokët e tij, Dele Alli ka zbuluar gjendjen e tij.

“Kur hyra në dhomat e zhveshjeve e pashë të shkatërruar dhe në lot, por nuk ishte faji i tij. Son është një nga njerëzit më të këndshëm që mund të takosh dhe kurrë nuk do ta bënte atë veprim me dashje. Ai nuk ndalte së qari në dhomat e zhveshjes, nuk ishte aspak e këndshme ta shihje”, zbuloi Dele Alli. /R.Lika-Koha Jone/