Dëmtimi i Strakoshës në derbi, ja sa pritet të mungojë te Lazio

Thomas Strakosha ishte një nga lojtarët me të mirë në derbin e Lazios me Romën, që u luajt të shtunën në mbrëmje dhe u fitua 3-0. Në këtë sfidë gardiani i portës shqiptare ka marrë një dëmtim të lehtë në shpatull, që do ta mbajë jashtë fushave përreth 10 ditë.

Sipas asaj që raportojnë mediat në Itali, Strakosha  do të humbasë vetëm ndeshjen me Fiorentinën. Nuk ka panik as për kombëtaren, që do të ketë gati portierin për sfidat kualifikuese të Europianit. Për takimin ndaj skuadrës violë, në portë do ta zëvendësojë portieri belg Silvio Proto.