Di Maria rikthehet zyrtarisht te skuadra e Benficës

Angel Di maria është rikthyer sërish në Portugali te skuadra e tij e zemrës, Benfica.

Në moshën 35-vjeçare, argjentinasi do të mbrojë “shqiponjat” e Lisbonës. Klubi i Benfica-s ka zyrtarizuar rikthimin e Di Marias, ndërsa sa i përket kohëzgjatjes dhe kushteve të kontratës, nuk janë bërë të ditura.

Futbollisti argjentinas kaloi një sezon jo shumë pozitiv te Juventusi dhe tashmë pritet të luajë sërish në ekipin ku u bë i njohur në arenën ndërkombëtare.