Donnarumma “zyrtarizon” para kohe Messin: I lumtur që do të luaj me të!

Leo Messi ende nuk ka mbërritur në Paris, për të firmosur kontratën me PSG-në, por Gigio Donnarumma tashmë i ka uruar “mirëseardhjen” në klubin e kryeqytetit francez:

“Nuk është ende zyrtare, por mendoj se do të jetë së shpejti. Jam i kënaqur që do të mbërrijë këtu. Ai është një lojtar i madh, më i forti në botë. Jam i emocionuar, i lumtur dhe i nderuar që do ta kem në ekip dhe që mund të luaj me të”, tha portieri italian për Sky Sport.

Fjalët e Donnarummas duken si një lloj konfirmimi për transferimin e yllit argjentinas te skuadra parisiene.