“Dorëzohet” Tirana, Vllaznia kampione në basketboll për meshkuj

Vllaznia fiton sërish titullin kampion në basketboll për meshkuj. Skuadra shkodrane fitoi dhe finalen e tretë ndaj Tiranës, këtë herë në Pallatin e Sportit “Asllan Rusi” duke u konfirmuar si kampione. 71-58 ishte rezultati përfundimtar në favor të Vllaznisë. Ekipi shkodran ka fituar edhe finalen e tretë ndaj Tiranës, duke e mbrojtur kurorën e kampionit për të dytin edicion radhazi. Ky sukses i hoqi çdo lloj shprese dhe iluzioni bardhebluve kryeqytetas, pasi shifrat 71-58 tregon dominimin e ekipit verior. Rezultatet e finaleve për meshkuj janë këto:

Ndeshja e parë, 21 prill: Tirana-Vllaznia 66-75

Ndeshja e dytë, 24 prill: Vllaznia-Tirana 65-60

Ndeshja e tretë, 28 prill: Tirana-Vllaznia 58-71

Shkodranët  e fitojnë këtë titull për të dytin vit radhazi, pasi mundën në “Play-off” ekipin e Tiranës me rezultatin e përgjithshëm, 3-0. Në ndeshjen e  zhvilluar në pallatin e sportit “Asllan Rusi” , loja filloi me një start më të mirë të bardhebulve, që kryesuan 10-5 dhe e mbyllën periodën e parë në avantazh 14-12. Por vizitorët nga Shkodra rrisin ndjeshëm nivelin e lojës  me protagonist amerikanin Brandon Hogg, njëherazi pikëshënuesi më i mirë i takimit me 31 pikë.

Dy amerikanet Brandon, Anthony Booker dhe malazezi Nemaja Gavranic ishin, basketbollistët që bënë diferencën në fushë.

Në periodën e tretë sërish ishin shkodranët të drejtuar nga trajneri malazes Darku Vujaçiç, që prodhuam me lojë kualitative, duke kryesuar 45-56.

Në  periodën e fundit gjithçka u bë më e vështirë për djemtë e trajnerit Bujar Shehu, duke lejuar që kundërshtarin për të thelluar rezultatin deri në 58-71.

Festa në pallat  e tifozëve shkodran ka qenë e kuptueshme, gjatë gjithë ndeshjes, por ajo arriti kulmin në marrjen e trofeut.