Dortmundi s’do t’ia dijë për koronavirusin, nis stërvitjen dyshe

Borussia Dortmund është rikthyer në fushë për të nisur stërvitjet. Një lëvizje që natyrisht i ka bërë optimistë futbollistët verdhezinj, mbi të gjithë Emre Can, që për mikrofonat e kanalit gjerman Sport1 është shprehur:

“Është e rëndësishme të kthehesh në fushë”, duke treguar më pas edhe mënyrën e konceptimit të drejtuesve të klubit gjerman për të organizuar seancat stërvitore në kohët e emergjencës koronavirus.

Në një fazë të parë futbollistët do të punojnë në çift në fushë, për të shmangur kontaktet e kështu edhe rrezikun për t’u infektuar. Për momentin Bundesliga është e ndaluar deri në 30 prill e Federata gjermane kishte rekomanduar për 36 klubet profesioniste të Gjermanisë të mos rifillonin aktivitetin përpara datës 6”, deklaroi Emre Can.