Drejtori ekzekutiv i Kamzës largohet pas dhunës

Tre muaj pas prezantimit në rolin e drejtorit ekzekutiv të Kamzës, Fabio Cordella largohet nga klubi. Dorëheqja u konfirmua nëpërmjet një deklarate në faqen e tij në “Facebook”, ku italiani e argumenton vendimin me dhunën ndaj arbitrit Hamiti.

“Pas asaj që ndodhi në ndeshjen e fundit, deklaroj dorëheqjen nga klubi, sepse këto ngjarje nuk përshtaten me vizionin tim për futbollin. Duhet të jemi shembull për fëmijët, të transmetojmë vlera, moral dhe integritet. Në stadium nuk shkon për të dhunuar dhe përhapur urrejtje”, ndërsa shpreson se tifozët do ta kuptojnë zgjedhjen e tij”, shkruan Cordella.